"TECH-WEEK" ТЕХНОЛОГИЙН 7 ХОНОГИЙН ХҮРЭЭНД АРГА ХЭМЖЭЭ ЗОХИОН
БАЙГУУЛАХАД МӨРДӨХ ҮЙЛЧИЛГЭЭНИЙ НӨХЦӨЛ Энэхүү нөхцөл нь Мэдээлэл,
Технологийн Үндэсний Парк (цаашид “IT Парк” гэх) болон арга хэмжээ
зохион байгуулагч (цаашид “Зохион байгуулагч” гэх)-ийн хооронд
Tech Week 2025 арга хэмжээний хүрээнд зохион байгуулагдах
эвент/үйл ажиллагааны бүртгэл, зөвшөөрөл, хэрэгжилтийн харилцааг
зохицуулахад оршино.
- 1. Бүртгэл ба мэдээлэл
-
1.1. Зохион байгуулагч нь бүртгэлийн маягтанд орсон мэдээллийг
үнэн зөв, бүрэн бөглөсөн байх.
-
1.2. Худал, дутуу мэдээлэл оруулсан тохиолдолд IT Парк арга
хэмжээ зохион байгуулах зөвшөөрлийг цуцлах эрхтэй.
- 2. Зөвшөөрөл ба баталгаажуулалт
-
2.1. Зохион байгуулагчийн оруулсан мэдээлэл IT Паркын удирдлагын
самбарт бүртгэгдэнэ.
-
2.2. IT Парк нь арга хэмжээний зорилго, формат, зохион
байгуулагчийн профайл мэдээлэлд үндэслэн зөвшөөрөл олгох эсэхийг
шийдвэрлэнэ.
-
2.3. Зөвшөөрөл олгосон тохиолдолд зохион байгуулагч зөвхөн
тухайн арга хэмжээг Tech Week-ийн албан ёсны хүрээнд зохион
байгуулах эрхтэй болно.
- 3. Зохион байгуулагчийн хүлээх үүрэг
-
3.1. Арга хэмжээг бүртгүүлсний дараа зохион байгуулахгүй орхисон
тохиолдолд зохион байгуулагч IT Паркын өмнө хариуцлага хүлээнэ.
Үүнд:
-
- Дараагийн эвент зохион байгуулах эрхийг тодорхой хугацаагаар
түдгэлзүүлэх
- - Нэр хүндийн асуудлыг IT Паркын зүгээс нийтэд зарлах
-
3.2. Арга хэмжээний агуулга нь Tech Week-ийн зорилго, үнэт
зүйлтэй нийцсэн байх ёстой.
-
3.3. Зохион байгуулагч нь оролцогчдоос авсан аливаа хувийн
мэдээллийг зөвхөн арга хэмжээний зорилгод ашиглана.
- 4. IT Паркын эрх ба хариуцлага
-
4.1. IT Парк нь зохион байгуулагчийн мэдээллийг үнэлж, зохион
байгуулах зөвшөөрөл олгох, эсвэл татгалзах эрхтэй.
-
4.2. IT Парк нь зөвшөөрөл олгосон арга хэмжээний талаар дотоод
болон гадаад сурталчилгаа хийх эрхтэй.
-
4.3. IT Парк нь зөвшөөрөгдсөн арга хэмжээний зохион байгуулалтад
шууд оролцохгүй бөгөөд бүх хариуцлага зохион байгуулагчийн
мэдэлд байна.
- 5. Хариуцлага
-
5.1. Арга хэмжээний явцад үүсэх аливаа зөрчил, маргаан, хохирлыг
зохион байгуулагч бүрэн хариуцна.
-
5.2. IT Парк нь зөвхөн бүртгэл, зөвшөөрөл олгох үүрэг хүлээх
бөгөөд арга хэмжээний гүйцэтгэл, чанар, оролцогчдын аюулгүй
байдлын талаар хариуцлага хүлээхгүй.
- 6. Төлбөртэй эсэх
-
6.1. Зохион байгуулагч нь бүртгэлийн маягтад төлбөртэй эсэхийг
заавал тодорхой тэмдэглэнэ.
-
6.2. Хэрэв төлбөртэй бол оролцогчдоос авах төлбөрийн хэмжээ,
нөхцөл, буцаалтын журамд зохион байгуулагч тал бүрэн хариуцлага
хүлээнэ.
- 7. Бусад
-
7.1. Энэ үйлчилгээний нөхцөл нь Tech Week арга хэмжээний
бүртгэлд заавал мөрдөх дүрэм болно.
- 7.2. IT Парк нөхцөлийг шинэчлэх, өөрчлөх эрхтэй.
